Strákurinn hans Sjonna fékk nafn í gær (28.05'11), Sjonni setur örlitla pressu á Jonna og nefnir guttann sinn Jónatan Þór.
Hvað skyldi Jonni gera þegar strákurinn hans mætir á svæðið??

Hér á eftir kemur vísan sem systkini Jonna sungu í brúðkaupsveislunni hjá Jonna og Unu. Ég fann þetta blað á gólfinu og verð vonandi ekki skömmuð fyrir að pikka þetta inn og birta! Þau hefðu þá bara átt að passa pappírana sína betur!!

 Jonni og Una ( lag Nína og Geiri)

„Ef þú vilt bíða eftir mér

á ég margt að gefa þér

alla mína kossa, ást og trú,

enginn fær það nema þú”.

 

Jonni átti heima á sveitabæ,

oft var þar mikið húllumhæ,

Una í borginni, feimin og rjóð,

þar hitti Jonni hið fagra fljóð:

 

„Ef þú vilt koma heim með mér,

skal ég sýna þér dráttarvél,

allar mína kindur, kálfa og kú

saman gætum við stofnað bú”

 

Í bændaskólanum Jonni las,

fór svo vestur að rækta gras.

Eitthvað kíkti hann kvenfólkið á.

En ekkert gerðist þó markvert þá.

 

„Í sveitasælunni alveg einn,

Jonni hitti þar aldrei neinn,

en einlífinu hann þreyttist á

og kvenmannsholdið fór að þrá”.

 

Á feisbúkkinu fann hann leið,

kvennmannsleysinu ekki kveið,

þær eru nokkrar með status-inn

single sagð’ hann við vininn sinn.

 

„Ef þú vilt kíkja eftir mér,

á feisbúkkinu – ég sendi þér,

alla mína kossa, ást og trú

enginn fær það nema þú.”

 

Bóndinn Jonni, hann brást við skjótt,

Unu sína sótti fljótt,

það fylgdi með henni – yngismær

núna eru þær orðnar tvær.

 

„Jonni elskan, gráttu ei,

við Mýrarkoti, ég segi nei.

Við skulum giftast og verða hjón,

það verður aldeilis fögur sjón.”

 

Una elskan, vertu hress,

við Mýrarkotið segi ég bless.

Ég lofa að finna þér fagran stað,

í sveitinni við setjumst að.

 

Saman erum við upp í sveit,

Jonni og Una svo rjóð og heit.

Stand’ og heita hvort öðru trú,

loksins eru þau orðin hjú.

Með fyrirvara um innpikkvillur - tek enga ábyrgð!!

Kveðja frá hjara veraldar Svala tala

Á Finnastöðum fæddist hann

Þá eignuðumst við Bjössa þann

Sem boðið hefur vinum veislu til

Hann tæklað hefur tugi þrjá

Og tekst að vera ofaná

Við tækifærið gerum því nú skil

Í barnæsku þá braut hann lær

Á brölti upp á stæður þær

Er geymdu allan fína áburðinn

Já svona fer með frumburðinn

Sem fílar ekki áburðinn

Nú lífrænn er frá topp´og oní tær

> >

Í framhaldsskóla stráksi gekk

Síðan leið á kokknum fékk

Á smíðabraut þar vildi nema smið

Þar smíðaverkin litu ljós

Nú gæti Bjössi byggt sér fjós

Og heima haldið húsunum þar við

En svo var sveinsins vandamál

Prófið þreytt af líf´og sál

Sem þarf að ná með tíu hér um bil

Hann átt´að smíða sexhyrning

En smíðin líktist nashyrning

Og enn og aftur breyta þurfti til

> >

Hann fór á Hvanneyri

Frá Eyjafirði keyrði hann að leyt´á önnur mið

Hann lærð´á Hvanneyri

Að moka skít og lyfta glas´af heldri manna sið

Á barnum bjórinn þambaði

Á barmi gjaldþrots rambaði

Að lokum þá það reddaðist þó allt

Úr skólanum hann gekk svo burt

Með skírteinið svo lofi smurt

Nú skildi heim því búið reyndist falt.

> >

Nú kúnum fór að fjölga títt

Og fjósið það varð eins og nýtt

Og túnum snúið nótt sem nýtan dag

Hann stundum býr til girðingu

Sem kýrnar sýn´ei virðingu

Og brjótast út, þær kunna á því lag

Hann eltir þær með svaka hvell

Í Grund og suðr´í Ytra-Fell

Og bændur þar þeir skilja ekkert í

Að traktorinn fær aldrei breik

Og reglulega fer í steik

Og kýrnar fá sitt vikulega frí

> >

> >

Hann eltir beljurnar

Og traktorinn á útopnu á túnum þeysist um

Hann sýpur kveljurnar

Er reikningarnir hrúgast inn frá vélaverkstæðum

Fóðrið kostar þett´og hitt

Bjössi hrópar fokk og shit

Nú herðist á og taka þarf nú til

Ég skal nú sparka áburði

Og gera grín af kjarnfóðri

Því lífrænn bóndi ég nú verða vil

> >

Er þá Bjössi þrítugur

Þó varla sýnist tvítugur

En gráu hárin  sýna sig nú hratt

Því Bjössi hefur sýnt sinn mátt

Og allavega fengið drátt

Þrisvar sinnum, segji það nú satt

Því börnin þrjú þau eru góð

Og undan Bjössa kát og rjóð

Á Finnastöðum er nú jafnan fjör

Og orka Bjössa fer ég held

Að dvína þegar nálgast kveld

Því börn þau verð´af biomjólk svo ör

> >

Hann lífrænn bóndi er

Býr með eggjabúskapinn og frjálsar landnámskýr

Sínar eigin leiðir fer

Og óljóst hvaða hugmynd næst í koll´á honum býr

Með Indu selur lífrænt sull

Allt annað er bölvað bull

Af glundrinu hann verður eins og nýr

Og enginn veit hvað verður næst

Við bíðum bara spennt og æst

Já Bjöss´er enginn venjulegur fýr.

Ferðin hófst hjá mér við Leirunesti á Akureyri þar sem ég hitti Sigga til að fá far inn að Finnastöðum. Kallinn var á risastórum bíl með huge kerru í eftirdragi fulla af ull. Siggi alltaf í business! Rúlluðum inn að Finnastöðum og á stundum notaði Sigga allan veginn í slædi hægri vinstri, shit.

Nauj er Bjössi ekki bara búinn að leigja rútu, flottur á því kallinn. 30 manna rúta fyrir okkur 10, 8 bekkjarfélagar og 2 fylgifiskar. Bjössi fremstur í flokki, Tóti og Sara, Siggi, Svavar, Steinn, Steini, Sjonni, Baldur og ég. Byrjuðum á að seðja það sárasta með grjónagraut sem rann ljúflega niður.

Allir upp í rútu og af stað, shit það var svo hált niður Finnastaðaafleggjarann að gáfuðum farþegum rútunnar fannst öruggura að spenna beltið!

Ókum sem leið lá lengst, lengst inn í fjörðinn fagra, fæstir höfðu séð svona mikinn snjó  það sem af er vetri! Fyrsta stopp Gulbrekka, rútubílstjórinn var reyndar ekki alveg með kortið á hreinu og keyrði framhjá, ekki vinsælt hjá minns að vera í rútu sem er að snúa við á nánast einbreiðum vegi!

Á Gullbrekku reyndust vera hinar ágætustu hreinhvítu kindur, stakk þó örlítið í stúf að sjá 2 svartar kollóttar og gullfallega gráa kind.  Minnir að það séu um 200 kindur á húsi. Gott nördaspjall um daginn og veginn og af stað aftur.

Aftur hættum við lífum og limum á Finnastaðaafleggjaranum, þó ekki eins lengi og áður þar sem næsta stopp var Holtsel þar sem Bjöss bauð lömbunum sem hann var að smala um fjörðinn upp á ís. 3 kúlur af Holtselshnoss á kjaft og meen það rann ljúflega niður. Erfitt reyndist að velja á milli bragðtegunda, bjórís, lakkrís, banana, bláberja, karamellu, kókos, engifer og fleiri og fleiri.

Þá var ferðinni heitið að Garði, þar búa bræður með mikið bú, heilmikil verktaka og 2 róbóta fjós. Um 90 kýr mjólkandi og 400þús ltr réttur, mjólk um 500þúsltr meðalnyr 6500 ef ég man rétt sem er alls ekki víst. Á Garði er langur fóðurgangur eftir miðju fjósinu og er gefið á hann 7 eða 5 sinnum á sólarhring með gjafavagni. Heyið er mixað í stórum vagni sem gjafavagninn tekur úr og dreifir á liðið! Væri allt í lagi að eiga svona gjafavagn!

Aftur gott spjall í fjósloftinu. Lokastopp var Hrafnagil, hvar liðið ærslaðist í körfubolta og slappaði af í heitum potti.

Um kvöldið var svo veislan mikla, Systur Bjössa og mamma voru iðnar við kolann í skemmtanabransanum og syngu hvern slagarann á fætur öðrum með nýjum textum.

Atli mætti gellu upp á arminn. Lella minnir mig að hann hafi kallað hana

Svo kom að aðalnúmerinu, maður kom upp á sviði, maður á miðjum aldri í jakkafötum og með leðurtuðru. Hann segir brandara um séra Gunnar Björnsson og brandara um Bjössa og eitthvað fleira sem ég fylgdist ekki með. Svo segist hann þurfa að fara í búning og gestir ættu að spjalla sín á milli sem og ég gerði. Sara Tóta kærasta tók upp þverflautuna sína og kom sér fyrir upp við vegg og ég hélt að kallinn ætlaði að fara að syngja, leit upp á svið og þá var hann búinn að koma sér í prestskrúðann. Á sömu stundu byrjaði Sara að spila brúðarmarsinn og Bjössi og Inda skunda inn salinn og upp á svið. Um salinn barst kliður og allir klaufast við að standa á fætur. Maðurinn sem reyndist vera prestur klessir þeim Bjössa og Indu saman í hjónaband og veislan hélt áfram.

Heimagerðar ístertur slógu í gegn, Tóti afhenti afmælisgjöfina og skemmti sér við að skjóta á Bjössa í leiðinni! Við gáfum Bjössa: Vinnusmekkbuxur, köflótta skyrtu, sixpensara, hvítbotna gúmmískó, dúkahníf á rúllurnar, rúllubætur, koppafeiti, hjólbörur og heykvísl. Sölumaðurinn í búðinni þar sem Tóti verslaði vildi endilega vera með þegar hann frétti að verið væri að versla afmælisgjöf fyrir Bjössi, hann gaf bón fyrir traktora því hann var viss um að slíkt yrði aldrei verslað af Bjössa sjálfum. Kannski er ég að gleyma einhverju en hef fulla trú á að einhver leiðrétti það þá. Bjössi var klæddur upp í alla múnderinguna, Tóta fannst hann líkari 60 en 30, en við hörmuðum öll að hafa ekki verið búin að gefa honum fínu fötin áður en hann gifti sig!

Systur Bjössa og mamma tóku fleiri vel valda slagara en svo kom að Tóta, já Tóti var næstum jafn mikið á sviðinu og mamma Bjössa, hann var búinn að semja brag um Bjössa og flutti við þekktan brag. Rosalega flott og mjög fyndið og er hann búinn að lofa að setja textann hér inn fyrir okkur að rifja upp og ykkur hin sem ekki komust að sjá.

Að skemmtiatriðum loknum tók við trúbaodrinn ógurlegi. Gaur að nafni Einar ærði mann og annan og tók ekkert mark á fjölmörgum beiðnum um að lækka... Salurinn tæmdist að mestu leiti fyrir tilstuðlan Einars en Hvanneyringar sátu sem fastast, sögðu sögur og höfðu gaman. Þegar Einar var búinn að myrða hljóðhimnurnar í okkur öllum var mál til komið að heyra einhver almennilegheit og Steinn var manaður upp á svið að taka hið ó svo vinsæla lag Britneyjar nokkurrar Spears, úps æ did it agen. Mikið voru hvanneyringar glaðir að heyra lagið sitt aftur og Steinn tvíelfdist við fagnaðarlætin og hélt áfram, trúbadorinn Einar ógurlegi var þó þeim annmörkum háður að kunna ekki að spila Megas. Þeir fundu þó nokkur lög sem báðir kunnu og úr varð hin besta skemmtun. Steinn hélt áfram og áfram og eftir ógurlega útgáfu af Bíddu pabbi, þótti Einari ógurlega rétt að taka pásu, svona til að ná Steini niður af sviðinu.

Héldum áfram með spjall og gaman þar til barnafólk og vinnualkar héldu heim á leið, en frést hefur að síðustu menn hafi háttað um hálf sex :0))))

Allt í allt frábært afmæli/brúðkaup.

Takk elsku Bjössi og aftur til hamingju með áfangana stóru,

Kveðja frá hjara veraldar Vestfjarðaskessan

    Jæja ég hafði mig loks í að skrifa eitthvað. En fyrst þú nefnist á þetta með að líta við hjá þér Tóta að þá verð ég að viðurkenna að ég keyrði óvart fimm sinnum fram hjá þér á tveim vikum um daginn og leit ekki við.  Skammast mín aðeins fyrir það og læt það ekki koma fyrir aftur  
    En það er það að frétta af mér að ég er loks laus af suðurlandi þar sem ég hef verið vinnumaður hjá hestafólki í um fjögur ár, en mætti samt ekkert reglulega í vinnuna. Var meira reglulega í fríi. Drauma starf fyrir latt fólk. En núna tekur við að vera í löngu jólafríi. stússast í fé, hrossum og smíðum. Eftir áramótin er stefnan tekin á Hóla að eltast við eina unga stúlku sem er þar að nema. 
    Búfjárhaldið hjá mér er frekar dapurt um þessar mundir. Rollurnar allar útdauðar sem ég taldi mig eiga eða fóru í veðmálum og öðru rugli. Einn smalahund á ég samt. Hestarnir eru fimm talsins sem ég á einn og er hinn frækni Bleik bregður einn af þeim. Hann er orðinn barnahesturinn á bænum. Síðan á eg helming í hryssu á móti Gústa Jenssyni.
          Þetta er nú nóg af leiðindar upptalningu. Ég ætla að skora á hann Stein Björnsson. Væri gott að fá í leiðinni að vita hvaða sæðingshrúta maður ætti að nota á rollurna tvær sem ég hef fengið að láni.
           kveðja Atli

Já eins og kannski flestir muna þá var ég frekar fram þung þegar við hitumst síðast. Ég eignaðist aðra stelpu 29.júlí 2008 hana ólöfu Sesselju. Síðan þá hef ég nú bara verið að njóta þess að vera heimavinnandi. Ég asnaðist reyndar til að fara í skóla HA og læra leikskólakennaran sem hefur gengið bara nokkuð vel, en að samnt að hugsa um að fresta því námi í nokkur á þar sem er svo mikið að gera hjá mér í félagsmálum. En ég er í stjórn UMFR og formaður foreldrafélags leikskólans og svo þarf ég náttúrlega alltaf að skipta mér af og það hefur ekkert breyst
Ég bý í Kleppjárnsreykjum og minn búskapur er 1 kall,2 stelpur,1 hundur, 3 hestar og 1 folad sem fæddist í sumar og er undan huginn frá haga. En ég er nú ekki alveg laus við að komast í smá rollustus þar sem tengdó er bóndi og nokkrar og ég fæ stundumm að skipta mér af
Annars er nú bara voða litið að frétta en ég seigi bara eins og Sibba það er nóg pláss fyrir þá sem vilja koma í heimsókn
nú skora ég á ............Atla hvar ert þú??
P.S ég er ekki en búinn að læra að skrifa þannig að þið verðið bara að sæta ykkur við villurnar
Bæbæ tóta unga mamma

Já, góðan daginn. Þar sem það var skorað á mig má ég nú ekki skorast undan.
Það var meiningin að segja frá því hvað hefur helst verið að ske hjá mé síðan við hittumst (næstum) öll vorið 2008. Líklega nennir enginn að lesa það sem ég hef að segja þar sem ég á hvorki kýr né kindur.....þetta verður bara hestaraus

Ég kláraði reiðkennarabrautina á Hólum þá um vorið 2008 og var þar með búin með allt hestatengt nám á þeirri stofnun. Næst á dagskrá hjá mér var að skilja við kallinn minn og ég gerði það í júlí, sama ár. Þá vissi ég ekkert hvað ég átti af mér að gera en brá á það ráð að gera bara ekki neitt róttækt. Ég gerði árs leigusamning við reiðhöllina á Blönduósi, þar sem við Víðir höfðum verið með aðstöðu árin á undan. Þar fór ég að vinna sjálfstætt, aðallega við frumtamningar fram í júní 2009. Tamningarnar um veturinn gengu þokkalega. Ég sá líka að stórum hluta um barna- og unglingastarfið hjá hestamannafélaginu Neista, sem ég hafði mjög gaman af. það var líka töluverð ásókn í einkatíma í reiðkennslu og konur á Blönduósi voru í tíma hjá mér einu sinni í viku. Þannig að það var mikið að gera í kennslunni og gaman að því.
Eeeen þegar samningurinn við reiðhöllina rann út var ég gjörsamlega komin með nóg af þessum hardcore tamningum og Blönduósi reyndar líka þannig að ég fór að hugsa mér til hreyfings.

Þá flutti ég austur á hérað, það lá nú beinast við. Ég er búin að vera þar síðan í sumar. Ég bý á Eiðum í rúmlega 200 fermetra íbúð, þannig að ef þið eruð að þvælast fyrir austan þá endilega komið í heimsókn og helst gista líka, nægt er plássið 
Ég er með aðstöðu fyrir 10-12 hross á bæ sem heitir Tjarnarland og er svona 10 km frá Eiðum. Ég er að sjálfsögðu komin í nákvæmlega sama pakkann og ég var í á Blönduósi, s.s frumtamningar og aftur frumtamningar. Auk þess hef ég verið að brasa töluvert heima í Gilsárteigi, mjólkað nánast alla virka morgna. Kýr eru nú alveg dásamlegar skepnur að vinna með, ójá, ég meinaða, það er sko ekki stressið í kringum þær Gott mótvægi við hestana. Ég er alltaf með eina vinnukonu hjá mér, núna er það stelpa frá svíþjóð sem heitir Zandra. Síðan, gott fólk, hef ég einu sinni hitt Stein Björnsson síðan ég flutti heim, og má það teljast hápunkturinn so far.
Svo ég upplýsi áhugasama um búfjárstofninn hjá mér þá telst mér til að ég eigi 10 hross, sum á ég alveg sjálf en nokkur í félagi við aðra. Eitt folald fékk ég í sumar undan Tryggva Geir frá Steinnesi.  Ég hélt hvorki fleiri né færri en 3 merum í sumar undir þá Seið frá Flugumýri, Flugar frá Kollaleiru og Sólmund frá Úlfsstöðum. Ég á 5 ára hund og einn kött. Þar hafiði það

En ég ætla ekki að hafa þennan pistil lengri. Hlakka til að heyra hvað hinir í bekknum hafa að segja. Ég skora á hana Tótu að koma með innlegg hérna næst og fræða okkur um sig og sína
bestu kveðjur
Sibba

Nú ætlum við að hefja skemmtilegan leik hér á síðunni,

ÁSKORUN

Fyrsta fórnarlambið er Sigurbjörg Sigurbjörnsdóttir
hér með er skorað á hana að skrifa færslu....
hún mun svo skora á næsta og svo koll af kolli

GAMAN GAMAN


kveðja frá hjara veraldar
Svala tala alltaf að mala

Sæl öll(ef einhver eruð)

Hvernig er það eru það bara ég, Lóa og Svala sem eru eitthvað að setja hérna inn og heimsækja þessa síðu. Ef svo er finnst mér endilega þurfa að minna alla aðra á síðuna.

En ég var að bíða og sjá hvort einhver kæmi með eitthvað innlegg áður en ég skrifaði eitthvað en ég virðist þurfa að bíða lengi eftir því.

Svo það er best að segja eitthvað um hagi sína. En ég er að vinna enn á Litla-Hrauni og verð vonandi eitthvað áfram en hef önnur áform sem mig langar að kanna en eins og ástandið er núna er maður heppinn ef maður er með vinnu hérna eins og er. Ég var til dæmis atvinnulaus að mestu frá Nóvember á síðasta ári fram í maí á þessu ári en það var bara ekkert að hafa vinna nema ég hafði hlutastarf sem var búfjárleftirlit á Árborgarsvæðinu, þar sem ég fór í heimsóknir í hesthús, fjárhús(sem eru reyndar mjög fá) og fjós. Þarna var loksins eitthvað sem búfræðimenntunnin gat nýst mér í.

En svona af helstu hauststörfum í sveitum er það að frétta að ég eignaðist kindur aftur síðastliðið haust eftir 2 ára útlegð frá þeim bransa. En ég fór með frænda mínum austur í Öræfi og valdi mér þar tvær kindur. Önnur þeirra bar síðan í vor, pínulitlum og ræfilslegum hrút. En þrátt fyrir það að vera lítill við fæðingu flokkaðist hann í E og varfallið af honum heil 18,3 kg í sláturhúsi í vikunni. Þetta er furðulegt að maður var búinn að rækta fé til nokkrra ára hér áður en náði því aldrei að eiga E lamb, síðan fer maður og sækir sér nýjan stofn og fær lamb í E á fyrsta ári. Spurning hvort þetta bendi til um að maður sé ómögulegur ræktandi?

Og já, heimtur af fjalli voru hjá mér 100% í fyrsta safni enda bara önnur ærin á fjalli, hin var með lambið heima við.

En við þurfum endilega að reyna að halda þessari síðu gangandi og láta vita hvað við erum að bralla. Annars er þetta form kannski orðið svolítið 2007 og Facebook kannski meira inni í dag. Við erum mörg þar og fréttum ýmislegt af hvert öðru þar en það breytir því ekki að við getum haldið þessari síðu í gangi, læst henni og sagt ítarlegar frá okkar högum hér inni.

En góða kveðju til allra
Baldur Gauti

Sæl verið þið,
jæja þá eru haustmánuðir og allir á ferð og flugi að undirbúa fyrir veturinn. Hvernig hafa heimtur verið hjá ykkur sem eruð með sauðfé? Ég (og Svala Sigga) fórum heim í Auðkúlurétt í byrjun mánaðarins og ég er alveg viss um að það var ívið meira af fé sem kom heim heldur en vanalega

Jæja kids, í tilraun til að halda þessari síðu lifandi hef ég nú set inn upplýsingar um okkur.
Setti inn upplýsingar um þau börn sem við eigum og ég hef upplýsingar um, nöfn á mökum sem ég veit um, þá afmælisdaga sem ég man og sitthvað fleira.
Endilega leiðréttið það sem er rangt og ENDILEGA bætið við eða sendið upplýsingar um viðbætur.
Ég setti ekki inn leyniorð á þær heimasíður sem eru lokaðar vegna þess að þessi síða er ekki læst.
Hvað er annars að frétta af ykkur, allir hressir, einhver búinn að fá svínaflensuna?
Af mér er allt gott að frétta, hef ekki fengið svínaflensuna þrátt fyrr tilraun til smits með Reykjavíkurferð og bjó til mína fyrstu berjasultu um daginn, sko mig.

Kveðja frá hjara veraldar Svala Tala

Jæja krakkalakkar, ætli sé ekki kominn tími á að uppfæra upplýsingarnar um hvort annað.
Er ekki efst á baugi hverjir eru að fjölga sér, svona á eftir makaskiptum....
Bjössi átti stelpu núna 10 júní, næst er ég (Svala) í byrjun júlí, svo Jonni og Stebbi (leiðréttið mig ef ég er að fara með rangt mál) í ágúst og svo Trausti, hef ekki heimildir um dagsetningu þar.
Er einhver að gleymast?
Tóta átti stelpu á síðasta ári, Ólöf Sesselja og Daniela strák síðasta haust Tómas Ingi.
Stefni að því að koma inn upplýsingum um heildar framleiðslu okkar á komandi viku nú þegar ég hef fengið hjálp við að rifja upp aðganginn að þessari síðu.
Ég  mun líka setja lykilorð á síðuna því ég ætla að setja inn lykilorðin á þær barnalandssíður sem ég hef upplýsingar um og það er leiðinlegra ef þau fara á flakk. En það verður eitthvað auðvelt sem við ættum öll að fatta en ekki endilega hinir.
Vona að ég sé ekki að kjafta neinum leyndarmálum. Endilega opinberið svo öll leyndarmál um hin bekkjarsystkinin ef þið vitið einhver.

Kveðja Svala Sigga ligga lá

Sæl verið þið,

Langaði að skrifa eitthvað hérna inn og datt ekkert annað í hug en að nefna Opna daginn á Hesti sem er í dag .. Ég hitti Gústa og Danielu þar en ég held ekki aðra.. Mér varð samt hugsi til ykkar allra og þá sérstaklega búfjárræktarferðanna sem við fórum. Gústi var líkur sjálfum sér skoðandi hrútana í bak og fyrir jafnt núna og þá ... Daniela var með nýja krílið á maganum en sá eldri orðinn stálpaður og kominn á skólaaldur.. uss uss hvað tíminn líður.. finnst vera svo stutt síðan að hann var enn á bleyjunni ... Heyrðu já.. ég gleymdi aðal atriðinu.. ég hitti Unni sem var með okkur í fyrsta bekk.. Hún var með tvo grislinga upp á arminn.. annar var örugglega 4-5 ára en hinn um tveggja ára hefði ég giskað. Hún sagðist nú vera bísna brött og hafa það gott en ég talaði svo sem ekki mikið meira við hana enda hún rétt að koma og átti eftir að skoða allt

en já.. ég man ekki svona eftir að hafa hitt fleiri nýverið.. en þið hin.. Er eitthvað að frétta af okkur úr bekknum ?
Endilega segið frá.. alveg sama hversu ómerkilegt ykkur finnist það vera.. alltaf gaman fyrir okkur hin að fylgjast með

bestu kveðjur af Hvanneyrinni - sem mun vinna á nýju nautastöðinni í sumar

haha.. jú Tóti þú varst með lengstu verkefnin og ritgerðirnar.. þá sérstaklega ef það snérist um nautgripi Ég er alveg sammála þér varðandi Magnús B og hans comment.. Þetta er ekkert smá hrós fyrir okkar hönd En varðandi sérstæðni okkar þá vorum við Sibba að ræða saman um daginn hvað við vorum í raun miklir aðdáendur Sverris Heiðars. Minning mín um Sverrir Heiðar úr Bændadeildinni var þegar hann leyfði okkur einn föstudaginn að horfa á tvo þætti með Nonna og Manna í staðinn fyrir að vera í tíma..haha .. yndislegur alveg. Ég og Kjartan Ottó keyptum okkur Nonna og Manna safnið fyrir jólin og vorum með maraþon á jóladag Nonni og Manni minnir mig bara á Sverrir Heiðar og Svölu Siggu
Annars sá ég Sverrir Heiðar síðast á barnum í lok nóvembermánaðar. Þá kom hann til að spila pool og spjalla við fólk. Hann var hress að manni fannst og naut sín vel En síðasta samtalið okkar á milli einslega var á mánudaginum eftir körfuboltamaraþonið. Þá var hann að labba framhjá skrifstofunni minni og spurði hvernig ég hefði það. Ég nefnilega endaði hjá lækni um kvöldið sem maraþonið var haldið. Ég sagðist hafa það fínt og spurði hvort hann væri sáttur. Þá kom viss glampi í augu hans og hann brosti. Umræðan snérist aftur að mér en ég sagði bara að ég hefði viljað leggja allt í þetta fyrir hann og sagði honum líka frá styrknum frá árgangnum. Glampinn kom aftur og hann brosti enn meira. Hann brosti svo þakklátlega ef hægt er að orða svo. Ég mun muna þetta bros og þennan glampa sem voru í augum hans, það var alveg ótrúlegt hvað við gáfum honum mikið.
Blessuð sé minning þín, Sverrir Heiðar
† Minning þín lifir

Ég fór í jarðaförina hans á miðvikudaginn var. Þetta var hjartnæm jarðaför en rosalega fjölmenn. Það voru notaðir þrír salir í safnaðarheimilinu sem er á móti kirkjunni ásamt kirkjunni. Talið er að um 750-800 manns hafi verið við athöfnina enda staðið með fram veggjum allstaðar
Eins og ég sagði þá var þetta var mjög falleg athöfn og rosalega gott lagaval fannst mér. Best fannst mér þó Liverpool-lagið sem útgöngusálmur þar sem hann var svo mikill Liverpool-aðdáandi Ef þið vilduð heyra þetta lag þá fann ég á netinu eina útgáfu af því en það er greinilega mjög misjafn hvernig það er sungið upp á hvað það er fallegt (http://www.youtube.com/watch?v=ID_f4n6DnWQ&feature=related ), en textinn stendur fyrir sínu. Líkfylgd var frá Akranesi að Hvanneyrarkirkjugarði og það hefði verið fróðlegt að sjá ofanfrá bílaröðina en hún var örugglega nokkra kílómetra löng Ég fékk að vita eftirá að 520 manns höfðu skráð sig í gestabókina við erfidrykkjuna þannig það lýsir bara hvað það var margt um manninn að kveðja hann Sverrir Heiðar, enda yndislegur og góður maður.

Ótrúlegt erfitt að átta sig á að maður mun ekki sjá Sverrir Heiðar aftur... ekki hérna á göngum Gamla skóla eða út á fótboltavelli að þjálfa krakkana þegar maður er að labba heim á kvöldin eða bara á göngu um Hvanneyrarstað eins og hann var svo duglegur að gera. Þegar maður hitti hann á röltinu þá var spjallað og spurt hvernig allt gengi. Hann ljómaði allur alveg sama hvar hann var Hans verður sárt saknað.

Kveðja af Hvanneyrinni góðu,

Anna Lóa

p.s. endilega komið með ykkar minningar um Sverrir Heiðar - öll höfum við mismunandi sjónarhorn á minningum til að segja öðrum

Góðan daginn elsku vinir mínir
Ég vil byrja á að votta ykkur öllum mína dýpstu samúð vegna fráfalls okkar yndislega kennara Sverris Heiðars, hans verður ávallt minnst sem eins líflegasta karaktersins á Hvanneyri. Munið þið eftir því þegar hann tók heilan tíma í það að finna út hver okkar nemandana væri skyldastur Sigtryggi og varð svo himinlifandi þegar það var hann sem átti stystu ræturnar til Sigtryggs. Eða bara hvernig hann hafði mikinn áhuga á því að ræða um hlutina við okkur, okkar bekkur var einstakur af því leyti að hópurinn var alltaf uppfullur af áhuga. Sverris verður sárt saknað í hugum okkar bíst ég við.

Og meira um okkur snillingana í þessum árgangi
Ég fór á namskeið í vetur með gamla rektor og Sveinbirni Eyjólfs nautapabba og þar spunnust upp mjög skemmtilegar umræður um nautgriparæktina og þegar fundi var að verða lokið þá var Magnús B að þakka góðan fund og sagði eitthvað cirka svona orðrétt: "Þakka ykkur fyrir mjög góðar umræður ég held bara að ég hafi ekki átt svona góðar umræður við neinn hóp síðan árgangurinn hans Þóris var á Hvanneyri". Maður verður náttúrulega feiknalega stoltur þegar við fáum svona glósur.

Ég var bara búin að gleyma þessari síðu satt best að segja og rambaði bara inn á hana í gegnum bloggið hans Baldurs, og halló það var ég sem bjó hana til í upphafi, sorry ég bara er eitthvað utan við mig og svo sá ég að nokkur ykkar hafið verið að blogga hér og takk fyrir það. Ég hef svo sem ekkert sérstakt að segja um mig það er allt á mínu eigin bloggi allavega það sem snýr að búskapnum og kúnum. http://torfur.blogcentral.is

Af mér persónulega er það að frétta eins og Sjonni sagði að ég er farin að leysa af í kúasæðingunum hér í Eyjafirði og finnst það mjög gaman, fæ að sjá svo mörg fjós og kýr og svoleiðis.
Við Sara búum hjá foreldrum hennar í Reykárhverfi nema þegar prófin hjá Söru standa yfir þá flytjum við heim í Torfur eins og núna þar er meira næði til að læra. Við erum semsagt í Torfum núna því Sara er að klára prófin á næst síðustu önninni í MA. Þá er bara ein önn eftir og hver veit hvað tekur þá við kannski búvísindin á Hvanneyri. Ha?? nei það er engin pressa frá mér. 
Við erum ekki trúlofuð enn eins og sumir þarna fyrir vestan og það er ekkert barn á leiðinni eins og hjá sumum þarna fyrir vestan og hér í nágrenninu.

En annars þraukar maður þessa kreppu bara og heldur sínu striki enda lítið annað hægt að gera en að brosa bara framan í heiminn og þá brosir heimurinn frbla blabblabla
Heyrumst bara síðar þetta fer að verða eins og verkefnin mín í skólanum löng og skemmtileg. Átti ég ekki annars alltaf lengstu dagbókina úr verknáminu og lengstu verkefnin og ritgerðirnar.
Heyrumst síðar
Þórir Torfum.